Տեսչական մարմինը 1 միլիոն դրամով տուգանել է տնտեսվարողին՝ տեխնիկական անվտանգության պահանջները չկատարելու համար
![Տեսչական մարմինը 1 միլիոն դրամով տուգանել է տնտեսվարողին՝ տեխնիկական անվտանգության պահանջները չկատարելու համար](https://freenews.am/uploads/images/image_750x_6244481051ee1.jpg)
ՀՀ քաղաքաշինության, տեխնիկական և հրդեհային անվտանգության տեսչական մարմնի Արմավիրի տարածքային բաժինը ստուգումներ է իրականացրել ՀՀ, Արմավիրի մարզ, գ․ Սարդարապատ, 21 փող․, 3/1 հասցեում գտնվող «Էլիտ Շին Գրուպ» ՍՊ ընկերությունում՝ տեխնիկական և հրդեհային անվտանգության պահանջների պահպանման նկատմամբ։ Այդ մասին ասված է ՀՀ ՔՏՀԱ տեսչական մարմնւի Ֆեյսբուքի էջում:
«Ստուգման ժամանակ չեն ներկայացվել ըստ «Տեխնիկական անվտանգության ապահովման պետական կարգավորման մասին» ՀՀ օրենքի արտադրական վտանգավոր օբյեկտ համարվող կոմպրեսորային կայանով աշխատող սառնարանային տնտեսության տեխնիկական անվտանգության ամենամյա փորձաքննության եզրակացությունը և ռեեստրում գրանցման վկայականը։
Վարչական վարույթում առկա ապացույցներով հիմնավորվել է այն փաստը, որ «Էլիտ Շին Գրուպ» ՍՊԸ-ն կոմպրեսորային կայանով աշխատող սառնարանային տնտեսությունը շահագործել է՝ առանց կատարելու տեխնիկական անվտանգության ոլորտի օրենսդրության պահանջները։
«էլիտ Շին Գրուպ» ՍՊ ընկերությանը ՀՀ ՔՏՀԱ տեսչաական մարմինը ենթարկել է վարչական պատասխանատվության՝ արտադրական վտանգավոր օբյեկտն առանց արտադրական վտանգավոր օբյեկտների ռեեստրում գրանցման շահագործելու համար։ Վերջինիս նկատմամբ կիրառվել է վարչական տույժ՝ տուգանք՝ 1․000․000 (մեկ միլիոն) ՀՀ դրամ գումարի չափով»,- նշված է գրառման մեջ։
Կարծիքներ