Գերմանիայում աճում են կորոնավիրուսի ավելի վտանգավոր մուտացիաներով վարակման դեպքերի թիվը

Գերմանիայում աճում են կորոնավիրուսի ավելի վտանգավոր մուտացիաներով վարակման դեպքերի թիվը

Գերմանիայում կորոնավիրուսի մուտացված տարբերակներով վարակների թիվն աճում է, «բրիտանական» շտամի բաժինը 20-25% է և կարող է աճել: Այս մասին տեղեկացնում է «ՌԻԱ Նովոստի» գործակալությունը` հղում տալով Գերմանիայի կառավարության պաշտոնական ներկայացուցիչ Շտեֆեն Զայբերտին:

«Իրադարձությունների լավ զարգացումը, երբ հիվանդությունների թիվն ամեն օր նվազում էր, այժմ մնացել է ետևում: Թվերը կրկին աճում են, աճում է ավելի վտանգավոր և հստակ ավելի վարակիչ մուտացիաների չափաբաժինը, B117- ի չափաբաժինը 20-25% է: Մենք շուտով նոր տվյալներ կստանանք, պետք է հաշվի առնել, որ այս չափաբաժինն էլ ավելի կաճի»,- ասել է Զայբերտը երկուշաբթի օրը կայացած ճեպազրույցում ` տեղեկացնելով համավարակի թեմայով կառավարության նիստի արդյունքների մասին:

Նա նշել է, որ ծանր իրավիճակ է նկատվում սահմանամերձ շրջաններում, որտեղ վիրուսը ավելի ակտիվորեն է տարածվում: Ուստի, նրա խոսքերով, նախատեսվում են խորհրդակցություններ Գերմանիայի և Ֆրանսիայի իշխանությունների միջև:

Հետևեք մեզ նաև Տելեգրամում