Չնայած երկրպագուների դժգոհություններին՝ Գլեյզերների ընտանիքը մտադիր չէ վաճառել «Մանչեսթեր Յունայթեդը»
Անգլիական «Մանչեսթեր Յունայթեդի» սեփականատեր Գլեյզերների ընտանիքը մտադիր չէ վաճառել ակումբը երկրպագուների բողոքի ակցիաներից հետո: Այս մասին գրել է The Guardian-ը:
Վերջին շրջանում «Մանչեսթեր Յունայթեդի» ֆանատներն անցկացնում են բողոքի ակցիաներ՝ պահանջելով Գլեյզերների ընտանիքի հրաժարականը: «Լիվերպուլի» դեմ Անգլիայի առաջնության 34-րդ տուրի հանդիպից առաջ նրանք ներխուժել էին Մանչեսթերի «Օլդ Տրաֆորդի» խաղադաշտ, ինչի պատճառով խաղը հետաձգվել էր:
«Մանչեսթեր Յունայթեդը» Գլեյզերների ընտանիքին պատկանում է 2005 թվականից: Նրանք մտադիր են առաջիկա տարիներին ակումբի գինը 3 միլիարդ ֆունտ ստեռլինգից հասցնել 7 միլիարդի:
Կարծիքներ