Հայիթիում երկրաշարժի զոհերի թիվը հասել է 227-ի
Հայիթիում երկրաշարժի զոհերի թիվը հասել է 227-ի։ Այս մասին հայտնում է Reuters-ը՝ վկայակոչելով երկրի քաղաքացիական պաշտպանության վարչությունը։
Իշխանությունների տեղեկություններով ՝ զոհվածների թվում է հանրապետության նախկին սենատոր Գաբրիել Ֆորտյունեն։ Առավել տուժել են Հարավ, Գրանդ Անս և Նիպպ դեպարտամենտները. դրանցում արձանագրվել են բժշկական ենթակառուցվածքի և պաշտամունքի վայրերի ավերածություններ:
Հայիթիի վարչապետը մեկ ամսով արտակարգ դրության ռեժիմ է հայտարարել։
Ավելի վաղ տեղեկացրել էինք, որ Հայիթիի ափերի մոտ 7,2 մագնիտուդով երկրաշարժ է գրանցվել շաբաթ օրը։ Ստորգետնյա ցնցումների էպիկենտրոնը գտնվել է Փեթի-Տրու-դե-ՆԻՊ փոքր բնակավայրից 8 կմ դեպի հյուսիս: Երկրաշարժի օջախը գտնվել է 10 կմ խորության վրա:
Ի սկզբանե հայտարարել են ցունամիի սպառնալիք, բայց հետո հանել են այն։
Ինչպես նշել է ԱՄՆ-ի Երկրաբանական ծառայությունը (USGS) բնակչության խտության, շենքերի սեյսմակայունության և համանման աղետների հետևանքների ուսումնասիրության տվյալների վերլուծության հիման վրա, կարող էին զոհվել երկրի հազարավոր բնակիչներ:
Կարծիքներ