Կոտայքի մարզում հրդեհվել է հացատան տանիք ու մոտ 70 հակ անասնակեր
Հոկտեմբերի 30-ին՝ ժամը 12։47-ին, Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Արզական գյուղի Նեղուցի փողոցի տներից մեկի մոտակայքում խոտի դեզ է այրվում։
ԱԻՆ պաշտոնական կայքում հրապարակված տեղեկատվության համաձայն՝ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Կ․ Ս․-ին պատկանող հացատան տանիքում այրվում են անասնակեր և ծածկի փայտե կառուցատարրերը:
Հրդեհը մեկուսացվել է ժամը 13:48-ին, մարվել՝ 13:58-ին:
Այրվել են պահեստավորած անասնակեր (մոտ 70 հակ) և ծածկի փայտե կառուցատարրերը (մոտ 90 քմ):
Կարծիքներ