Վերսալի պալատից բոլոր այցելուներին տարհանել են ռումբի տեղադրման մասին ահազանգի պատճառով
Փարիզից ոչ հեռու գտնվող Վերսալի պալատից բոլոր մարդիկ տարհանվել են պայթյունի վտանգի պատճառով։ «Արմենպրես»-ի փոխանցմամբ՝ այս մասին հայտնել է պալատի վարչակազմը։
«Դեկտեմբերի 12-ին, առավոտյան ժամը 10։20-ին անվտանգության նկատառումներից ելնելով՝ Վերսալի պալատը տարհանում է այցելուներին և կվերաբացվի, հենց ավարտվեն ստուգումները», - նշված է X սոցիալական հարթակում պալատի էջում։
Պատմական այս շենքում ռումբի տեղադրման մասին ահազանգ նախկինում նույնպես ստացվել է։ Հոկտեմբերին պալատի շենքից մարդկանց տարհանել էին 7 անգամ․ ռումբի տեղադրման մասին ահազանգերը կեղծ էին եղել։
Կարծիքներ