Դոմինիկ Տիմը՝ ԱՄՆ-ի թենիսի նոր չեմպիոն
Նյու Յորքում ավարտվեց թենիսի ԱՄՆ բաց առաջնությունը: Մրցաշարի վերջին օրը կայացավ տղամարդկանց եզրափակիչ հանդիպումը՝ ավստրիացի Դոմինիկ Տիմի և գերմանացի Ալեքսանդր Զվերևի միջև:
Չորս ժամ մեկ րոպե տևած մրցամարտն ավարտվեց ավստրիացի թենիսիստի կամային հաղթանակով՝ 2:6, 4:6, 6:4, 6:3, 7:6: Դոմինիկ Տիմը միաժամանակ վաստակեց 3 մլն դոլար: Գերմանացի թենիսիստը կստանա 1,5 մլն դոլար պարգևավճար:
Դոմինիկ Տիմն առաջին անգամ արժանացավ «Մեծ Սաղավարտի» մրցանակին: Մինչ այդ նա հաղթել էր տարբեր կարգի 16 մրցաշարերում: Նա նաև առաջին թենիսիստն է, որը 1949 թվականից հետո հաղթեց եզրափակիչում՝ ընթացքում զիջելով 0:2 հաշվով: Բացի այդ, ԱՄՆ-ի բաց առաջնությունում առաջին անգամ հաղթողն որոշվեց թայ-բրեյքի օգնությամբ:
Կարծիքներ