Փրկարար ծառայության կենտրոնում գրանցվել է 449 դեպք, որից 219-ը՝ արտակարգ. շաբաթվա ամփոփում

Փրկարար ծառայությունն ամփոփել է փետրվարի 27-ից մարտի 5-ն ընկած ժամանակահատվածում կատարված աշխատանքը: Այդ ընթացքում ճգնաժամային կառավարման ազգային կենտրոնում գրանցվել է 449 դեպք, որից 219-ը՝ արտակարգ:

Մասնավորապես՝ հրդեհի՝ 156, փլուզման, վթարի կենսաապահովման կոմունալ համակարգերում, դարափուլի, քարաթափման, երկրաշարժի՝ 1-ական, թունավորման՝ 9, զինամթերքի հայտնաբերման ՝ 2, ճանապարհատրանսպորտային պատահարի՝ 46, ինչպես նաև՝ կենցաղային կանչի՝ 142, ինքնասպանության փորձի՝ 9, որոնողափրկարարական՝ 2, կեղծ ահազանգի՝ 4, հրդեհի ծագման սպառնալիքի՝ 21, հրդեհի կեղծ կանչի՝ 17 և 36 այլ դեպքեր:

Եղանակային պայմաններով և այլ գործոններով պայմանավորված գրանցվել է տրանսպորտային միջոցների արգելափակման 20 դեպք: Փրկարարներն օգնություն են ցուցաբերել 37 քաղաքացու և անվտանգ տարածք տեղափոխել ավտոճանապարհներին արգելափակված 20 տրանսպորտային միջոց:

Նախորդ շաբաթվա ընթացքում տուժել է 88, զոհվել՝ 14 մարդ: Փրկարարական գործողությունների արդյունքում փրկվել է 1 մարդ:

Փրկարար ծառայությունը հորդորում է պահպանել անվտանգության կանոնները: