Արցախի քննչական կոմիտեն եւս մեկ քրեական գործ է հարուցել վարձկանության դեպքի առթիվ
Սույն թվականի սեպտեմբերի 28-ին Արցախի Քննչական կոմիտեն տեղեկություն էր տարածել միջազգային իրավունքի նորմերի կոպտորեն խախտմամբ ագրեսիվ պատերազմ սանձազերծելու դեպքի առթիվ, որի նախաքննությունը հանձնարարվել էր քննչական խմբին, որն էլ ձեռնամուխ է եղել անհետաձգելի քննչական եւ դատավարական գործողությունների կատարմանը:
Ի հավելումն նշված տեղեկատվության ԱՀ քննչական կոմիտեում հարուցվել է եւս մեկ քրեական գործ՝ վարձկանության դեպքի առթիվ:
ԱՀ քննչական կոմիտեի նախագահ Իգոր Գրիգորյանի որոշմամբ ձեւավորված քննչական խումբը իրականացնում է անհետաձգելի եւ լայնածավալ քննչական գործողություններ: Յուրաքանչյուր քննչական գործողության կարեւորությամբ պայմանավորված՝ նախաքննությունը իրականացվում է լրիվ, բազմակողմանի եւ օբյեկտիվ:
Կարծիքներ