Քեյթ Միդլթոնն ու արքայազն Ուիլյամն իրենց ամուսնության 10-րդ տարեդարձի առթիվ տեսանյութ և լուսանկարներ են հրապարակել երեխաների հետ ընտանեկան հանգստից
Քեմբրիջի դուքսն ու դքսուհին իրենց ամուսնության 10-ամյա հոբելյանի առթիվ կիսվել են ընտանեկան կյանքի աննախադեպ կադրերով` շնորհակալություն հայտնելով իրենց հղված բարեմաղթանքների համար:
Ինչպես փոխանցում է Daily Mail-ը, ամուսիններն արշավի կադրեր պարունակող տեսանյութը հրապարակել են պաշտոնական ինստագրամյան էջում` կից գրելով. «Շնորհակալություն բոլորին մեր ամուսնության տարեդարձի առթիվ հղած շնորհավորանքների համար: Մենք անչափ երախտապարտ ենք 10 տարվա աջակցության համար, որն ստացել են մեր ընտանիքի ձևավորման պահից»:
Կարճատև հոլավակում Քեյթ Միդլթոնն ու արքայազն Ուիլյամն իրենց երեք երխայի` 7-ամյա արքայազն Ջորջի, 5-ամյա արքայադուստր Շառլոտի և 3-ամյա արքայազն Լուիի հետ վայելում են իրենց հանգիստը քաղաքից դուրս:
Մեծ Բրիտանիայի ապագա թագավորն ու նրա կինը խաղում են երխաների հետ, զբոսնում առօրյա հագուստով և բարձրանում Նորֆոլկի լողափին գտնվող ավազաթմբերով:
Կարծիքներ