Կամչատկայում ժայթքում է Կլյուչևսկայա հրաբուխը

Լավայի և վարդագույն ծխի հրավառություն: Այսպիսի տեսք է ստացել Կամչատկայում ակտիվացած Կլյուչևսկայա հրաբուխը՝ հայտնում է bbc-ին: Այն արթնացել էր դեռ փետրվարին, իսկ այսօր արդեն լավայի եռացող կարմիր շերտը շարժվում է Էռնա սառցադաշտի ուղղությամբ, ինչը սպառնալիք է տեղի բնակչության համար:

Իշխանությունները նախազգուշացրել են, որ ժայթքումը կարող է ազդել գետերի հունի վրա և վնասել բնակավայրերը կապող ճանապարհները:

Հայտարարվել է ավիացիոն վտանգի «նարնջագույն» աստիճան: Ցանկացած պահի մոխիրը կարող է դուրս նետվել մինչև 5-7 կմ բարձրությամբ և կարող է վտանգավոր լինել ցածր թռչող ինքնաթիռների համար:

Կլյուչևսկայան ամենաբարձր ու  ամենաակտիվ հրաբուխներից մեկն է Եվրասիական տարածաշրջանում, դրա բարձրությունը հասնում 4750 մետրի,  մոտակա բնակավայրը խառնարանից հեռու է մոտ 30 կմ: