Եվրոպան կաջակցի Ուկրաինային, եթե Կիևը դեմ լինի խաղաղ համաձայնագրին. Կայա Կալաս
Եվրոպան կշարունակի աջակցել Ուկրաինային, եթե Կիևը դեմ արտահայտվի Ռուսաստանի և ԱՄՆ-ի միջև համաձայնեցված խաղաղ համաձայնագրի պայմաններին, հինգշաբթի ասել է ԵՄ արտաքին քաղաքականության պատասխանատու Կայա Կալասը, հայտնում է Reuters-ը:
Նա հայտարարել է, որ Եվրոպան և Ուկրաինան պետք է մասնակցեն խաղաղ բանակցություններին, որպեսզի ցանկացած համաձայնություն գործի, նաև նշել, որ մինչև բանակցությունների սկսվելը Ռուսաստանի պահանջներին տեղի տալը «լավ մարտավարություն» չէ:
ՆԱՏՕ-ի գլխավոր քարտուղար Մարկ Ռյուտեն էլ պահանջել է Կիևին մասնակցությունն Ուկրաինայի հարցով բանակցություններին: «Չափազանց կարևոր է, որ բանակցությունների ցանկացած արդյունք լինի կայուն ու տևական, և Կիևն էլ սերտորեն ներգրավված լինի այն ամենում, ինչ վերաբերում է Ուկրաինային»,- ասել է Ռյուտեն:
Իր հերթին, նախագահ Զելենսկին հայտարարել է, որ չի ընդունի Ուկրաինայի ճակատագրի վերաբերյալ որևէ երկկողմ համաձայնագիր, որը ձեռք կբերվի Մոսկվայի ու Վաշինգտոնի հանդիպումներում՝ առանց Կիևի մասնակցության: Նա նաև կոչ է արել Եվրոպային պատերազմի ավարտից հետո նստել բանակցությունների սեղանի շուրջ:
Կարծիքներ