Էլ չեմ ներկայացնելու Հայաստանը. ափսոս, որ չգնահատվեցի իմ իսկ երկրի կողմից. Էրիկ Բազինյան

Կանադահայ պրոֆեսիոնալ բռնցքամարտիկ Էրիկ Բազինյանը, ֆեյսբուքյան գրառում է կատարել․ «Սիրելի հայրենակիցներ, ցանկանում եմ տեղեկացնել ձեզ,որ ցավոք սրտի ես էլ չեմ ներկայացնելու Հայաստանն ու մեր եռագույնը:

Այս մասին գրառում է կատարել պրոֆեսիոնալ բռնցքամարտիկ Էրիկ Բազինյանը։

«28 պրոֆեսիոնալ մենամարտ հաղթելուց հետո, Wbo վարկածի մինչև 24 տարեկանների աշխարհի չեմպիոն լինելուց հետո,ամբողջ աշխարհում բարձր մակարդակի վրա ՀՀ դրոշն ու անունը պահելուց հետո,27 տարեկանս լրանալուց հետո,պատերազմի ժամանակ մեծ օգնություններ տալուց հետո, լինելով Կանադայի քաղաքացի և այսքանից հետո շարունակական առհամարհանք ու մերժում ստանալ իմ երկրի կողմից,կարծում եմ, որ վերջն է:

Ափսոս,որ չգնահատվեցի իմ իսկ երկրի կողմից և մնացի հետախուզման տակ գտնվող անձ: Անչափ շնորհակալ եմ բոլոր այն մարդկանց,ովքեր միշտ ինձ աջակցել ու աջակցում են:

Անկախ ամեն ինչից, հպարտ եմ,որ Հայ եմ»,-գրել է նա։ Էրիկ Բազինյանը բնակվելով արտասահմանում, չի ծառայել ՀՀ զինված ուժերում․ նրա նկատմամբ հետախուզում է հայտարարվել։