2021-ի հունվար-նոյեմբերին, անցած տարվա համեմատ, ծխախոտային արտադրատեսակների արտադրությունը նվազել է

ՀՀ էկոնոմիկայի նախարարությունից հայտնում են, որ 2021 թ․ հունվար-նոյեմբերին 2020 թ․ հունվար-նոյեմբերի համեմատությամբ՝

Արդյունաբերության թողարկման ծավալն աճել է 2.7%-ով.

Հանքագործական արդյունաբերության ծավալը նվազել է 0.4%-ով.

Մշակող արդյունաբերության ծավալն աճել է 2.6%-ով։

Մշակող արդյունաբերության ծավալում առավել մեծ տեսակարար կշիռ ունեցող ենթաճյուղերից աճել է․ 

Սննդամթերքի արտադրություն՝ 2.8%.

Խմիչքների արտադրություն՝ 25.5%. 

Ռետինե և պլաստմասսայե արտադրատեսակներ՝ 20.9%. 

Հագուստի արտադրություն՝ 24.4%. 

Դեղագործական արտադրատեսակներ՝ 3.9%. 

Կաշի, կաշվե արտադրատեսակներ՝ 42.6%. 

Այլ ոչ մետաղական արտադրատեսակներ 23.4%.

Կահույքի արտադրություն՝ 22.9%։

Կրճատվել է.

Ծխախոտային արտադրատեսակների արտադրություն՝ 14.3%. 

Հիմնական մետաղների արտադրություն՝ 13.5%. 

Պատրաստի մետաղական արտադրատեսակների արտադրություն՝ 40.7%. 

Քիմիական նյութերի և քիմիական արտադրատեսակների արտադրությունը՝ 24.9%։

2021 թ․ հունվար-նոյեմբերին 2020 թ․ հունվար-նոյեմբերի համեմատ՝

ծառայությունների ծավալն աճել է 7.3%-ով.

կացության և հանրային սննդի կազմակերպում տեսակի աճը կազմել է 61.1%. 

ֆինանսական և ապահովագրական գործունեությունը՝ 2.3%.

տեղեկատվություն և կապը՝ 12.7%. 

տրանսպորտինը՝ 28.1%-ով. 

անշարժ գույքի հետ կապված գործունեությունը՝ 24.6%-ով. 

մասնագիտական, գիտական և տեխնիկական գործունեություն՝ 21.6%-ով։  

Ծառայությունների ծավալում առավել մեծ տեսակարար կշիռ ունեցող տեսակներից «մշակույթ, զվարճություններ և հանգիստ» տեսակի ծավալը նվազել է 33.6 %-ով։

2021 թ. հունվար-նոյեմբերին նախորդ տարվա նույն ժամանակահատվածի համեմատ աճ է արձանագրվել հետևյալ ոլորտներում՝

էլեկտրաէներգիայի, գազի, գոլորշու և լավորակ օդի մատակարարում՝ +8%.

ջրամատակարարում, կոյուղի, թափոնների կառավարում և վերամշակում՝ +6.9%։