Սիրիայի ափերի մոտ անտիկ նավահանգստի ավերակներ են հայտնաբերվել
Գիտությանն անծանոթ անտիկ նավահանգիստը հայտնաբերվել է Սիրիայի ափերի մոտ, հայտարարել է Ռուսաստանի «Հասարակական գիտությունների և միջազգային հարաբերությունների ինստիտուտի» տնօրեն Դմիտրի Տատարկովը: Նավահանգիստը ենթադրաբար հռոմեական ժամանակաշրջանին է թվագրվում, գրում է Ռիա Նովոստին։
Նավահանգստի ավերակներն հայտնաբերվել են ռուս-սիրիական հնագիտական առաքելության երկրորդ դաշտային սեզոնի ընթացքում:
Թերեւս սա նույնիսկ նավահանգիստ չէ, այլ մ.թ. 1-ին դարի ծովային ամրոց: Հայտնաբերվել են հիդրոտեխնիկական կառույցների մնացորդներ, փարոս և չորս մարմարե սյուներ: Ուղեկցող կերամիկական նյութը թույլ կտա ավելի մանրամասն թվագրել օբյեկտը: Սա լուրջ գտածո է », – ասել է Տատարկովը։
Նրա խոսքով ՝ գիտնականները զննել են ծովի հատակը ստորջրյա մեքենաների օգնությամբ: Միևնույն ժամանակ, նավահանգստից բացի, հայտնաբերվել են անտիկ ժամանակաշրջանի երեք խարիսխներ, ինչպես նաև հնագույն հիդրոտեխնիկական կառույցների մնացորդներ ՝ ծովապատնեշներ, կառանասյուներ:
«Սրանք հին հունական ամֆորաների, փյունիկյան անոթների, եգիպտական ծաղկամանների, հռոմեական քարե կենցաղային իրերի մնացորդներ են: Սա մեզ թույլ կտա վերակառուցել Միջերկրական ծովի հետ կապող ծովային առևտրի ուղիները: Մենք կկարողանանք որոշել նավահանգիստները, որոնք գոյություն ունեին այդ ժամանակ », – ասել է Տատարկովը:
Կարծիքներ