Պոմպեյում վերականգնվել է ավելի քան երկու հազար տարվա յուրօրինակ որմնանկար

Պոմպեյում հնագետները  լազերային տեխնոլոգիայով վերականգնել են մ.թ. 79 թվին Վեզուվի  ժայթքումից ավերված հին քաղաքի ամենագեղեցիկ որմնանկարը ։ Հայտնում է Daily Mail- ը:

Կառույցի մնացորդները հայտնաբերվել են 1913-1914 թվականներին: Ինչպես ենթադրում են գիտնականները, տունը կառուցվել է  մ.թ.ա. II դարում, և այն ծառայել է որպես տեղական դատավորի և նրա ընտանիքի նստավայր:

Հնագետների կողմից վերականգնված որմնանկարը զարդարել է շքեղ առանձնատան  հետնամասը: Այն նկարվել է մ.թ.ա. 20-10 թվականներին՝ «հին հռոմեական գեղանկարչության ոճով»: Հարյուր տարուց ավելի է առանց պահպանության մնացած որմնանկարը քայքայված է եղել:

Այժմ վերականգնված որմանկարում հստակ երևում է  վայրի կենդանիների որսի տեսարանը։

Որմնանկարները սովորաբար հին հռոմեական քաղաք Պոմպեյում զարդարում էին  պարտեզների  շուրջ գտնվող պատերը և նպատակ ունեին ստեղծել խաղաղ , տրամադրող  մթնոլորտ, ինչպես նաև զարգացնել տարածական տեսողության  ընկալումը։ Այժմ այդ նպատակների համար օգտագործվում են հայելիներ: