Երևանի քաղաքապետարանի կողմից ձեռք բերված 8 աղբատար մեքենաներից 4-ը Հայաստանում է

Երևանի քաղաքապետարանը 8 նոր աղբատար մեքենա է գնել։

Այս մասին Երևանի քաղաքապետարանի գործակարգավարական խորհրդակցության ժամանակ հայտնել է «Աղբահանություն և սանմաքրում» հիմնարկի տնօրեն Սաշա Կատվալյանը՝ հավելելով, որ 8 մեքենայից  4-ն արդեն Հայաստանում է:

«Այս պահին դրանք արդեն տեխզննում են անցնում, փաստաթղթավորվում են»,– նշել է ց Կատվալյանն ու ավելացրել, որ գործընթացների ավարտից հետո շահագործման կհանձնվեն։

Ըստ նրա` մյուս 4 աղբատար մեքենաները Հայաստանում կլինեն 1 շաբաթից։

Կատվալյանը հավելել է, որ հիմնարկի վարչական շրջանների հավաքարարների և բանվորների համազգեստի համար մրցույթ է հայտարարվել։ Հուլիսի 15-ին մրցույթի բացումն է։

Հունիսի 24-ին Սաշա Կատվալյանը հայտարարել էր, որ աղբահանությունը պատշաճ կատարելու համար Երևանի քաղաքապետարանը հրատապ կարգով տեխնիկա պետք է ձեռք բերի՝ 8 մեքենա և 9 շարժիչի լրակազմ։