Թրամփն ասում է, որ Միացյալ Նահանգները կանգնած է ամենամեծ վտանգի առաջ՝ միջուկային հակամարտության սպառնալիքի պատճառով
ԱՄՆ նախկին նախագահ Դոնալդ Թրամփը կարծում է, որ ԱՄՆ-ն կանգնած է իր հիմնադրման օրվանից ի վեր ամենամեծ վտանգի առջեւ՝ կապված միջուկային զենքի կիրառման հնարավորության հետ։
«Իրավիճակն ամենևին էլ ծիծաղելի չէ, բայց տխուր: Մենք կարող ենք ներքաշվել միջուկային պատերազմի մեջ: Դա կլինի այնպիսի պատերազմ, ինչպիսին երբեք չի եղել: Այս զենքի ուժն այնպիսին է, որ մենք նույնիսկ չպետք է խոսենք դրա մասին: Ջո Բայդենի վարչակազմը այժմ վարում է իր քաղաքականությունը Ռուսաստանի նկատմամբ: Միջուկային պատերազմի մասին խոսվում է ամեն օր, դա երբեք չի եղել», - ասաց նա շաբաթ օրը իր կողմնակիցների հանրահավաքում, Փենսիլվանիայում:
Թրամփը նաեւ ասել է, որ «երկիրը անկում է ապրում, տեղի ունեցողի մասին լավ բան ասել չի կարելի»։ Միաժամանակ նա հույս է հայտնել, որ երեքշաբթի լավ նորություններ կհայտնվեն Կոնգրեսի միջանկյալ ընտրությունների արդյունքներից հետո։ «Եթե ցանկանում եք պահպանել ձեր ազատությունը, ապա երեքշաբթի օրը կայանալիք ընտրություններում պետք է հակադարձել արմատական ձախերի դեմ»,- հավելեց քաղաքական գործիչը։
Նրա խոսքով՝ ԱՄՆ-ում «ձախ բռնակալություն» է հաստատվել, որը թույլ է տալիս անօրինական միգրանտներին գալ երկիր և թույլ չի տալիս դատարաններին դիտարկել 2020 թվականի նախագահական ընտրությունների հանգամանքները։
Կարծիքներ