Պերուի կոնգրեսը իմպիչմենթ է հայտարարել նախագահին

Պերուի օրենսդիրները քվեարկել են նախագահ Մարտին Վիսկարային պաշտոնանկ անելու համար՝ մեղադրելով նրան կաշառակերության եւ կորոնավիրուսի համավարակին երկրի վատ արձագանքման մեջ:

Քվեարկությունը նշանավորել է երկրում տիրող քաղաքական ցնցումների վերջին գլուխը, որտեղ բնակչության մեկ շնչի հաշվով գրանցվել է աշխարհում COVID-19-ից ամենաբարձր մակարդակի մահացությունը:

Նախագահը հերքել է որեւէ անօրինություն, բայց օրենսդիրները հայտարարել են, որ չեն հավատում նրան: Նրանք նաեւ քննադատել են նրա արձագանքը կորոնավիրուսի համավարակին՝ մատնանշելով աղքատության աճը, թթվածնի խտանյութերի պակասը եւ հակամարմինների արագ թեստերի ոչ ճիշտ օգտագործումը:

Ընդդիմության օրենսդիրները Վիսկարային մեղադրում են երկու շինարարական նախագծերի դիմաց ավելի քան 630 000 ԱՄՆ դոլար կաշառք ստանալու մեջ, երբ նա 2011-2014 թվականներին Պերուի հարավային մի փոքր նահանգի կառավարիչ էր: Տեղեկությունները գալիս են հենց շինարարության ղեկավարներից, որոնք մեղադրվում են կոռուպցիայի մեջ, եւ որոնց պատժաչափերը տեղեկատվության դիմաց կարող են կրճատվել: