Մթերքներն, որոնք օգնում են դուրս գալ սթրեսից

Սթրեսային իրավիճակներում նյարդային համակարգին կարելի է աջակցել ընկուզեղենի, բանջարեղենի եւ սալաթային կանաչեղենի միջոցով։ Nation News-ի հետ զրույցում այսպիսի կարծիք է հայտնել դիետոլոգ Մարգարիտա Կորոլյովան։

Նրա խոսքով՝ ընկուզեղենը կարող է նյարդային համակարգին օգնել դրա մեջ պարունակվող A, E եւ K վիտամինների շնորհիվ, ինչպես նաեւ առողջության համար օգտակար ճարպաթթուների։ Այս բոլոր նյութերն աջակցում են գլխուղեղի անատոմիական կառուցվածքին, որի ավելի քան երրորդ մասը ճարպերից է կազմված։

«Միելինային թաղանթները պրոտեինների համադրությամբ լիպիդներ են, որոնք պահպանում են այդ կառուցվածքների ամբողջականությունը, ապահովում նյարդային բջիջների միջեւ իմպուլսների անցկացումը»,- ասել է մասնագետը։

Նրա խոսքով՝ նյարդային համակարգը կարող են ամրացնել նաեւ այն մթերքները, որոնք պարունակում են B խմբի վիտամիններ։ Դա կարող են լինել ձավարեղենը, սալաթային կանաչեղենը, բանջարեղենը եւ լոբազգիները։ Այս մթերքներն աջակցում են օրգանիզմի բոլոր համակարգերի աշխատանքին, այդ թվում՝ նյարդային։