Ֆինլանդիան և Շվեդիան ՆԱՏՕ-ին անդամակցելու քննարկումները Թուրքիայի հետ կշարունակեն հոկտեմբերին

Ֆինլանդիան և Շվեդիան ՆԱՏՕ-ին անդամակցելու քննարկումները Թուրքիայի հետ կշարունակեն հոկտեմբերին

Ֆինլանդիայի, Շվեդիայի և Թուրքիայի պատվիրակությունները կարող են հանդիպել հոկտեմբերին ՆԱՏՕ-ին անդամակցելու գործընթացի շուրջ:

«Արմենպրես»-ի փոխանցմամբ՝ ինչպես հայտնում է ՌԻԱ Նովոստին, այս մասին  լրագրողներին հայտնել է Ֆինլանդիայի արտգործնախարար Պեկկա Հաավիստոն։

«Իհարկե, մենք հույս ունենք, որ ՆԱՏՕ-ի անդամները հնարավորինս արագ կավարտեն մեր դիմումի ուսումնասիրման գործընթացը: Այս պահին մենք լավ արդյունք ունենք: Մնացել է երկու երկրի՝ Թուրքիայի և Հունգարիայի խորհրդարաների հաստատումը: Այն պատկերը, որ մենք ունենք, ցույց է տալիս առաջընթացը: Չեմ ցանկանում մանրամասնել, բայց օգոստոսի 26-ին Հելսինկիում կայացած հանդիպմանը ստեղծվեց  դրական մթնոլորտ և հաջողվեց գործընթացում գրանցել առաջընթաց: Սպասվում է, որ  հաջորդ հանդիպումը կկայանա հոկտեմբերին»,-ասել է Ֆինլանդիայի արտգործնախարարը: