Բայդենը կոչ է արել վերահսկել տեխնոլոգիական ընկերությունները

ԱՄՆ նախագահ Ջո Բայդենը Կոնգրեսին հորդորել է քայլեր ձեռնարկել՝ ամերիկյան առաջատար տեխնոլոգիական ընկերություններին պատասխանատվության ենթարկելու իրենց գործողությունների համար, բայց ոչ մի տարբերակ չի առաջարկել, թե ինչպես դա կարող է արվել: Ամերիկացի առաջնորդին նման կշտամբանքով է հանդես եկել հինգշաբթի օրը The Washington Post թերթը ։

Մեկ օր առաջ Wall Street Journal-ի կայքը հրապարակել էր Բայդենի հոդվածը, որտեղ նա Կոնգրեսի դեմոկրատներին և հանրապետականներին կոչ էր անում օրենքներ ընդունել տեխնոլոգիական հսկաներին վերահսկելու համար։ Պետության ղեկավարը, մասնավորապես, մատնանշել է խոշոր տեխնոլոգիական ընկերությունների կողմից «բաշխված բովանդակության պատասխանատվությունը ստանձնելու» անհրաժեշտությունը։ Այս կապակցությամբ նա կրկին կոչ արեց «հիմնարար բարեփոխել» ԱՄՆ Հաղորդակցման էթիկայի ակտի 230-րդ բաժինը, որը պաշտպանում է ինտերնետ ընկերություններին օգտատերերի կողմից ստեղծված բովանդակություն տեղադրելու, հեռացնելու կամ այլ կերպ մոդերատորելու հայցերից: