Մերկելը պատմել է, թե երբ հնարավոր կլինի հաղթահարել կորոնավիրուսը

Գերմանիայի կանցլեր Անգելա Մերկելը հայտարարել է մոլորակի բոլոր մարդկանց պատվաստելու անհրաժեշտության մասին՝ կորոնավիրուսի համավարակը հաղթահարելու համար: Այս մասին գրում է «ՌԻԱ Նովոստի» գործակալությունը:

«Համավարակը կպարտվի, երբ Երկրի վրա բոլոր մարդիկ պատվաստվեն, քանի որ մուտացիաների օրինակով տեսնում ենք, որ որքան շատ  է վիրուսը տարածվում մասշտաբով, այն մուտացիայի է ենթարկվում: Դա կնվազեցնի պատվաստանյութերի արդյունավետությունը: Հետևաբար, դա պետք է կանխել, բոլորը պետք է մասնակցեն, և մենք պետք է շատ արագ պատվաստանյութեր ստանանք COVAX- ի համար»,-ասել է Մերկելը «Մեծ յոթնյակի» առցանց հանդիպմանը հաջորդած մամուլի ասուլիսում:

Ըստ վիրուսաբանների՝ բնակչության շրջանում կորոնավիրուսի պայթյունավտանգ տարածումը դադարեցնելու համար անհրաժեշտ է, որ մոտ 60-70% -ը դրա նկատմամբ իմունիտետ ունենա՝ տարած հիվանդության կամ պատվաստումների միջոցով: