Լը Պենը կոչ է արել բացարձակ մեծամասնություն չտալ ոչ ձախերին, ոչ էլ Մակրոնի կոալիցիային

 Մարին Լը Պենը ֆրանսիացի ընտրողներին կոչ է արել հունիսի 19-ին կայանալիք խորհրդարանական ընտրությունների երկրորդ փուլում բացարձակ մեծամասնություն չտալ ո՛չ իշխանության մեջ գտնվող կուսակցությանը, ո՛չ ձախ ընդդիմությանը։ Այդ մասին նա հայտարարել է կիրակի օրը Ազգային ժողովի (խորհրդարանի ստորին պալատ) ընտրությունների առաջին փուլի քվեարկությունից հետո կայացած մամուլի ասուլիսում։

«Հաջորդ կիրակի կարևոր է թույլ չտալ Ֆրանսիայի նախագահ Էմանուել Մակրոնին ստանալ բացարձակ մեծամասնություն, որը նա կչարաշահի իր կոշտ և եսասիրական մեթոդներով՝ պարտադրելով հակասոցիալական նախագծեր», - ասել է Լը Պենը։

Միևնույն ժամանակ նա դեմ է արտահայտվել ձախակողմյան կոալիցիայի «Նոր ժողովրդական էկոլոգիական և սոցիալական միության» (NUPES) ներկայացուցիչներին՝ նրանց անվանելով «ներքևից ավերողներ»։ «Մի՛ ընտրիր նրանց, ովքեր ցանկանում են զրկել քեզ քո իրավունքներից և նրանց միջև, ովքեր ցանկանում են զրկել սեփականությունից», - ասել է Լը Պենը՝ կոչ անելով չքվեարկել նրանցից ոչ մեկի օգտին։ 

Լը Պենը վստահություն է հայտնել, որ ընտրությունները չեն ավարտվել, և Ազգային ասոցիացիան կկարողանա խորհրդարան մտնել «տասնյակ հայրենասեր պատգամավորներով»։ Ինքը՝ Լը Պենը, վստահորեն անցել է երկրորդ փուլ՝ հավաքելով ձայների գրեթե 54%-ը, սակայն դա բավարար չի եղել առաջին փուլում հաղթելու համար։