Արշակունյաց պողոտայում մեքենան բախվել է «Հայմամուլի» կրպակին
Հունիսի 2-ին, ժամը 20:56-ին Ճգնաժամային կառավարման ազգային կենտրոն ահազանգ է ստացվել, որ Երևանի Արշակունյաց պողոտայում՝ Կրկեսի մոտակայքում, տեղի է ունեցել ՃՏՊ:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Արշակունյաց պողոտայի թիվ 6 շենքի մոտակայքում «Նիսսան Տիանա» մակնիշի ավտոմեքենան (վարորդ՝ Հ. Հ.) դուրս է եկել ճանապարհի երթևեկելի հատվածից և բախվել «Հայմամուլի» կրպակին: Տուժածներ չկան։
Փրկարարները հոսանքազրկել են ավտոմեքենան։
Կարծիքներ