Թուրքիայի պաշտպանության նախարարը ժամանել է Ադրբեջան՝ դիտելու համատեղ զորավարժությունները

Թուրքիայի ազգային պաշտպանության նախարար Յաշար Գյուլերը երկուշաբթի ուշ երեկոյան այցով ժամանել է Ադրբեջան, հայտնում է Թուրքիայի պաշտպանության նախարարության մամուլի ծառայությունը։

«Գյուլերն Ադրբեջան է ժամանել ադրբեջանա-թուրքական համատեղ «Մուստաֆա Քեմալ Աթաթուրք-2023» մարտավարական զորավարժությունների ընթացքին հետևելու և երկկողմ հանդիպումներ ունենալու նպատակով»,- ասվում է նախարարության հաղորդագրության մեջ։

Երկուշաբթի Ադրբեջանում մեկնարկել են «Մուստաֆա Քեմալ Աթաթուրք-2023» համատեղ մարտավարական զորավարժությունները։

Դրանք անցկացվում են երկրի տարբեր շրջաններում, մասնավորապես՝ Բաքվում և Նախիջևանի Ինքնավար Հանրապետությունում։ Դրանցում ներգրավված են երկու երկրների տարբեր տիպի զորքերի մինչև 3 հազար անձնակազմ, 130 միավոր զրահատեխնիկա, մինչև 100 հրանոթ, ավելի քան 20 ավիացիոն և թռչող սարքավորումներ, ինժեներական տեխնիկա և փոքր նավակներ։

Ժամանակակից մարտական մեթոդներով վարժանքների ժամանակ տարբեր առաջադրանքներ են կատարվում՝ մարտական գործողություններում հրետանու, ավիացիայի և այլ տեսակի զորքեր օգտագործելու, դրանց փոխազդեցությունը կազմակերպելու, գետերի վրայով պոնտոնային կամուրջներ կառուցելու և երևակայական թշնամու խորքում ցամաքային զորքեր կառուցելու համար:

Դրանք անցկացվում են ՀՀ անմիջական սահմանների  հարևանությամբ՝ Նախիջևանում և օկուպացված ԼՂ-ում, ինչպես նաև Բաքվում: