Արցախի ոստիկանները հայտնաբերել են 21-ամյա աղջկան
Ոստիկանության Ստեփանակերտ քաղաքի վարչություն էր դիմել մայրաքաղաքի բնակչուհի, 1963թ.ծնված Գ. Ա.-ն և հայտնել, որ փետրվարի 13-ին ժամը 12:00-ի սահմաններում, իր դուստր 2000թ.ծնված Հ. Ա.-ն տնից դուրս է եկել և այլևս չի վերադարձել:
Ինչպես տեղեկացավ Արցախի ոստիկանության կայքէջից, փետրվարի 16-ին ժամը 20:00-ին ոստիկանության Ստեփանակերտ քաղաքի վարչության և ԱՀ Ազգային անվտանգության ծառայության ծառայողների հետ համատեղ ձեռնարկված օպերատիվ հետախուզական միջոցառումների արդյունքում Հ. Ա.-ն հայտնաբերվել է Ստեփանակերտ քաղաքի Աջափնյակ թաղամասից: Ստուգմամբ զբաղվում է ոստիկանության Ստեփանակերտ քաղաքի վարչությունը:
Կարծիքներ