Երեւանի Շիրակի փողոցում ավտոմեքենան այրվել է․ փրկարարները մայթեզրին հայտնաբերել են ավտոմեքենայի վարորդի դին

Երեւանի Շիրակի փողոցում ավտոմեքենան այրվել է․ փրկարարները մայթեզրին հայտնաբերել են ավտոմեքենայի վարորդի դին

Ավելի վաղ տեղեկացրել ենք, որ Երևանի Շիրակի փողոցում տեղի է ունեցել ՃՏՊ։

Պարզվել է, որ բախվել են «Iveco» մակնիշի բեռնատարը և «Mercedes-Benz E-Class» մակնիշի ավտոմեքենան, ինչի հետևանքով վերջինս բռնկվել է։ 

Հրդեհը մեկուսացվել է ժամը 17։25-ին, մարվել՝ 17։35-ին։ «Mercedes-Benz E-Class» մակնիշի ավտոմեքենան այրվել է․ փրկարարները մայթեզրին հայտնաբերել են ավտոմեքենայի վարորդի դին։

Փրկարարները հոսանքազրկել են ավտոմեքենաները, քաղաքացիների հետ համատեղ «Iveco» մակնիշի բեռնատարից դուրս բերել արգելափակված վարորդին, մոտեցրել շտապօգնության ավտոմեքենային և իրականացրել ճանապարհահատվածի լվացման աշխատանքներ․ բեռնատարի վարորդը և ուղևորը հոսպիտալացվել են «Էրեբունի» ԲԿ։