Իսրայելցի գիտնականները փորձում են «կոտրել» Omicron շտամը

Իսրայելցի գենետիկների թիմը  աշխատում է կորոնավիրուսի Omicron նոր շտամի  շուրջ անհանգստացնող հարցերի պատասխանները գտնելու համար, հայտնում է The Times of Israel-ը:

Գիտնականները փորձում են «լուծել գլուխկոտրուկը» և պարզել այս շտամի ծագումը, ինչպես նաև պարզել՝ արդյոք այն կայուն է պատվաստանյութերի նկատմամբ։

«Մենք փորձում ենք հասկանալ, թե երբ և  ինչպես է այն առաջին անգամ հայտնվել և որքան ժամանակ է այն տարածվել առանց հայտնաբերման»,- ասել է Թել Ավիվի համալսարանի վիրուսների էվոլյուցիան ուսումնասիրող պրոֆեսոր Ադի Սթերնը:

Պրոֆեսորի խոսքով՝ այս շտամը «շփոթեցնող է»։ Omicron-ում հսկայական թվով մուտացիաներ կան»,- բացատրել է Ադի Սթերնը։

«Ինչ վերաբերում է պատվաստանյութերին, մենք սպասում ենք՝ տեսնելու, թե ինչպես է վիրուսը արձագանքում լաբորատորիաներում պատվաստված մարդկանց շիճուկին», – ասել է Ադի Սթերնը։

Միևնույն ժամանակ, պրոֆեսորը զգուշացրել է  զերծ մնալ հապճեպ եզրակացություններից, թե Omicron շտամը կդառնա գերիշխող, որ այն կայուն կլինի պատվաստանյութերի նկատմամբ կամ կհանգեցնի  ավելի լուրջ հիվանդությունների։