Բլինքենը նշանակել է Կովկասում բանակցային հարցերով նոր ավագ խորհրդական
ԱՄՆ պետքարտուղար Էնթոնի Բլինքենը դիվանագիտական ծառայության անդամ Լուիս Բոնոյին նշանակել է Կովկասում բանակցային հարցերով նոր ավագ խորհրդական:
Այս պաշտոնում նա կաշխատի Հայաստանի ու Ադրբեջանի առաջնորդների հետ՝ եկրների միջև խաղաղ գործընթացն առաջ մղելու ուղղությամբ:
Պետքարտուղարության հաղորդագրության համաձայն՝ Միացյալ Նահանգները հավատարիմ է Հայաստանի ու Ադրբեջանի միջև խաղաղության պայմանագրի կնքման, այդ թվում` Լեռնային Ղարաբաղի հակամարտության երկարաժամկետ քաղաքական կարգավորման հարցում աջակցության հանձնառությանը:
Նոր ավագ խորհրդական Լուիս Բոնոն Հայաստանի ու Ադրբեջանի միջև ուղիղ երկխոսության հաստատմանն աջակցելու համար կգործակցի Եվրամիության և ԵԱՀԿ-ի հետ:
Նորանշանակ պաշտոնյայի նախատեսվող այցերի մասին տեղեկություն դեռ չկա:
Կարծիքներ