Շախմատի առաջնության առաջատարն անփոփոխ է
Հայաստանի շախմատի տղամարդկանց 82-րդ առաջնության առաջատարն անփոփոխ է:
«Արմենպրես»-ի հաղորդմամբ` Տիգրան Պետրոսյանի անվան շախմատի տանն ընթացող առաջնությունում կայացան 8-րդ տուրի պարտիաները: Հաղթանակ տարան Մամիկոն Ղարիբյանը, Շանթ Սարգսյանը, Մանուէլ Պետրոսյանը և Հովհաննես Գաբուզյանը:
Այժմ մրցաշարային աղյուսակի առաջատարը 6,5 միավորով Մանուէլ Պետրոսյանն է: 5,5 միավոր ունի Շանթ Սարգսյանը, իսկ 5 միավոր` Սամվել Տեր-Սահակյանը: Առաջնության ավարտին մնացել է 3 տուր:
Կարծիքներ