Գալստանյանը համալրել է այն ձախողված գործիչների շարքը, որոնք վերջնական տապալումից հետո լցվել են չարությամբ. Սաֆարյան
![Գալստանյանը համալրել է այն ձախողված գործիչների շարքը, որոնք վերջնական տապալումից հետո լցվել են չարությամբ. Սաֆարյան](https://freenews.am/uploads/images/image_750x_669522e3dc60e.jpg)
Սեփական պարտությունից պետք է կարողանալ դուրս գալ, այլապես կդառնաս վտանգավոր ոչ միայն ինքդ քեզ, այլ նաև շրջապատի համար։
Այս մասին «Ֆեյսբուք»-ի իր էջում գրել է քաղաքագետ Ստյոպա Սաֆարյանը՝ անդրադառնալով Վազգեն (Բագրատ) Գալստանյանի ելույթներին:
«Վերջին ամիսներին լսելով Բագրատ Գալստանյանի բազում ելույթներ ու առերերվելով դրանցում խտացող չարությանը, վստահաբար կարող եմ ապագայի համար մի շատ հայկական, տիպիկ կանխատեսում անել. նա այլևս համալրում է այն ձախողված գործիչների շարքը, որոնք իրենց վերջնական տապալումից հետո լցվել են չարությամբ իրենցից հետո ձևավորված բոլոր շարժումների, դրանց առաջնորդների ու նրանց սատարած ժողովրդի հանդեպ միայն նրա համար, որ իրենք չեն «գնահատվել» ու հասել բարձունքին։
Անուններ չտամ, նրանց բոլորին դուք լավ գիտեք։
Լտիվ դեստրուկցիայի մեջ են ու ինքնին կատարյալ դեստրուկցիա։
Սեփական պարտությունից պետք է կարողանալ դուրս գալ, այլապես կդառնաս վտանգավոր ոչ միայն ինքդ քեզ, այլ նաև շրջապատի համար»,- ասված է գրառման մեջ։
Կարծիքներ