Սև ծովում մեկնարկել են ՆԱՏՕ-ի միջազգային զորավարժությունները

Սև ծովում մեկնարկել են ՆԱՏՕ-ի՝ Poseidon 21 միջազգային զորավարժությունները՝ հաղորդում է «Ռումինիայի ռադիոն»:

Զորավարժությունները կանցկացվեն փետրվարի 27-ից մարտի 6-ը՝ Ռումինիայի ռազմածովային ուժերի հրամանատարության ներքո: Դրանց մասնակցում է ավելի քան 700 զինծառայող Բուլղարիայից, Հունաստանից, Իսպանիայից, Ռումինիայից, ԱՄՆ-ից, Թուրքիայից և Ֆրանսիայից:

Դասընթացները տեղի կունենան ծովում, ցամաքում և օդում: Դրանք կներառեն 13 ռազմանավ, ինը ինքնաթիռ, մեկ բեռնատար և ստորջրյա ռոբոտ:

Զինվորականները մարզվելու են սուզանավերի սպառնալիքներին, ավիացիոն և վերգետնյա նավերին դիմակայելու, ինչպես նաև ծովային ականներն ու ինքնաշեն պայթուցիկ սարքերը չեզոքացնելու ուղղությամբ: