Նորվեգիայում ամերիկյան ինքնաթիռը կործանվել է զորավարժությունների ժամանակ
Ամերիկյան tiltrotor V-22 Osprey ինքնաթիռը կործանվել է Նորվեգիայում՝ այնտեղ ընթացող Cold Response միջազգային զորավարժությունների ժամանակ։ ՏԱՍՍ-ի հաղորդմամբ՝ այս մասին ուրբաթ օրը հայտնել է NRK հեռուստաալիքը ՝ վկայակոչելով փրկարարներին։
Հեռուստաալիքի տվյալներով՝ ինքնաթիռը, որում եղել է չորս մարդ, ուսումնամարզական թռիչք էր իրականացնում Նորդլենդ նահանգի Բոդո քաղաքից։ Ըստ պլանի՝ նա պետք է վայրէջք կատարեր ժամը 18:00-ի սահմաններում (Հայաստանի ժամանակով 22:00-ին): Մոտ երեք ժամ անց փրկարարական խումբը հայտնաբերել է կործանման վայրը քաղաքից հարավ։
Այս պահին ինքնաթիռի անձնակազմի ճակատագրի մասին տեղեկություններ չկան։
Կարծիքներ