Լրացել է աշխարհագրական գիտությունների դոկտոր, պրոֆեսոր Ռիանոս Մկրտչյանի 100-ամյակը․ նրան այցելել է ԵՊՀ ռեկտորը
Լրացել է աշխարհագրական գիտությունների դոկտոր, պրոֆեսոր Ռիանոս Մկրտչյանի 100-ամյակը․նրան այցելել է ԵՊՀ ռեկտորը։
«Այսօր այցելեցինք աշխարհագրական գիտությունների դոկտոր, պրոֆեսոր Ռիանոս Մկրտչյանին՝ շնորհավորելու վաստակաշատ գիտնականին 100-րդ տարեդարձի կապակցությամբ:
Մեկդարյա տպավորիչ կենսագրության ընթացքում Ռիանոս Մկրտչյանը, մշտապես հավատարիմ մնալով կրթությանն ու գիտությանը, մտավորականի իր վեհ կերպարով օրինակ է ծառայել և ծառայում երիտասարդ սերունդների համար:
Մեծ է ԵՊՀ պրոֆեսորի ավանդը գիտության մի շարք ուղղությունների զարգացման և երիտասարդ կադրերի պատրաստման գործում: Նրա բազմաթիվ գիտական աշխատանքները վաղուց հատել են ժամանակի ու երկրների սահմանները:
Հարգելի՛ պրոֆեսոր, ԵՊՀ-ի և իմ անունից կրկին շնորհավորում եմ Ձեզ նշանակալի հոբելյանի առթիվ, մաղթում քաջառողջություն, ուժ և կորով: Իմացե՛ք, որ մասնագիտական Ձեր հսկայական փորձով, գիտնականի և ղեկավարի վառ տաղանդով, անառարկելի հեղինակությամբ, երկարամյա գիտական, մանկավարժական գործունեությամբ Դուք անգնահատելի ներդրում եք ունեցել մեր երկրի զարգացման գործում:
Ինձ համար խորհրդանշական է արդեն որպես ԵՊՀ ռեկտոր՝ առաջինն այցելել հենց Ձեզ ու սեղմել Ձեր ձեռքը»,- ֆեյսբուքյան իր էջում գրել է ԵՊՀ ռեկտոր Հովհաննես Հովհաննիսյանը:
Կարծիքներ