ԱՄՆ-ը կօգնի խորհրդային տանկերը Ուկրաինա տեղափոխել

ԱՄՆ-ը կնպաստի Ուկրաինա խորհրդային արտադրության տանկերի տեղափոխմանը, որպեսզի ուժեղացնի երկրի զինված ուժերի հնարավորությունները Դոնբասում։ ՏԱՍՍ-ի հաղորդմամբ՝ այս մասին ուրբաթ օրը հայտարարել է The New York Times-ը ՝ վկայակոչելով ԱՄՆ վարչակազմի աղբյուրը։

Հակամարտությունից հետո ԱՄՆ-ն առաջին անգամ հանդես կգա որպես միջնորդ Ուկրաինա խորհրդային տանկերի տեղափոխման գործընթացում, որոնց մատակարարումները, ենթադրաբար, պետք է շուտով սկսվեն։ Հրատարակությունը չի տալիս տեխնիկայի քանակությունը, որը նախատեսվում է փոխանցել ուկրաինացի զինվորականներին, ինչպես նաև չի նշվում, թե որ երկրները կարող են մասնակցել Կիև զենքի տեղափոխմանը։

The New York Times-ը պնդում է, որ ԱՄՆ-ի կողմից խորհրդային ոճի տանկեր տեղափոխելու հարցում Կիևին նպաստելու որոշումը կայացվել է նախագահ Վլադիմիր Զելենսկու խնդրանքից հետո։ Անցյալ ուրբաթ ԱՄՆ ազգային անվտանգության հարցերով խորհրդական Ջեյք Սալիվանն ասաց, որ Զելենսկին ուղղակիորեն ԱՄՆ-ից տանկեր չի խնդրել: