Պարեկներն անցել են ուժեղացված ծառայության. հայտարարություն
Պարեկային ծառայությունը շուրջօրյա իրականացնելու է ճանապարհային երթևեկության անվտանգությանն ու հասարակական անվտանգության ապահովմանն ուղղված միջոցառումներ:
Այս մասին ասված է ծառայության ուղերձում:
«Տոնական օրերին հասարակական անվտանգության ապահովման նպատակով ՆԳՆ ոստիկանությունն անցել է ուժեղացված ծառայության։
Տոն օրերին շատերը կազմակերպում են հրավառություններ։ Հրագործական արտադրատեսակներ օգտագործելիս պետք է պահպանել անվտանգության և համակեցության կանոնները։
Լռության ժամի խախտման համար նախատեսված են տուգանքներ։ Այս ուղղությամբ ՆԳՆ ոստիկանության տարածքային բաժինների ծառայողներն ու պարեկները հետևողական են լինելու։
Պարեկային ծառայությունը շուրջօրյա իրականացնելու է ճանապարհային երթևեկության անվտանգությանն ու հասարակական անվտանգության ապահովմանն ուղղված միջոցառումներ:
Կոչ ենք անում ճանապարհային երթևեկության նկատմամբ դրսևորել պատասխանատու և իրավահարգ մոտեցում՝ գիտակցմամբ, որ յուրաքանչյուրիս սխալը կարող է ողբերգական հետևանքներ ունենալ:
Եվս մեկ անգամ շնորհավորում ենք Ամանորի և Սուրբ Ծննդյան տոների առթիվ, մաղթում անվտանգ ու երջանիկ օրեր»,- ասվում է հայտարարության մեջ:
Կարծիքներ