Երևանի ավագանին երեք նոր անդամ ունի
Ըստ Ազգային առաջընթաց կուսակցության ներկայացրած տեղեկատվության՝ խմբակցության ղեկավար է ընտրվել Արամ Թորոսյանը:
Այս մասին Երեւանի ավագանու նիստի մեկնարկին հայտարարել է քաղաքապետ Տիգրան Ավինյանը:
«Համաձայն ԿԸՀ արձանագրության՝ Երեւանի վագանու «Հանրային ձայն» կուսակցության ընտրական ցուցակից ընտրված եւ լիազորությունները վաղաժամկետ դադարած ավագանու անդամների մանդատները տրվել են «Հանրային ձայն» կուսակցության ընտրական ցուցակից հաջորդ թեկնածուներ՝ Լուսինե Բադալյանին եւ Դիանա Ալեքյանին:
Դիանա Ալեքյանն իր դիմումի համաձայն դուրս է եկել «Հանրային ձայն» խմբակցության կազմից՝ պահպանելով ավագանու անդամի իր լիազորությունները»,-նշել է նա:
Ավագանու «Ազգային առաջընթաց» կուսակցության ընտրական ցուցակից ընտրված եւ լիազորությունները վաղաժամկետ դադարած ավագանու անդամի մանդատն էլ տրվել է «Ազգային առաջընթաց» կուսակցության ընտրական ցուցակի հերթական հաջորդ թեկնածու Վահագն Իսոյանին: Վերջինս դիմում է ներկայացրել ավագանու անդամի իր լիազորությունները վաղաժամկետ դադարեցնելու մասին:
Համաձայն ԿԸՀ արձանագրության, Վահագն Իսոյանի մանդատը տրվել է ցուցակում հաջորդ թեկնածու Մուշեղ Հակոբյանին:
Երեւանի ավագանին նախորդ նիստում «Ազգային առաջընթաց» խմբակցության ղեկավար Գրիգորի Երիցյանը զրկվել էր մանդատից՝ բացակայությունների պատճառով:
Կարծիքներ