Բլումբերգ. Սալիվանը հեռախոսազրույց է ունեցել Վան Իի հետ
ԱՄՆ նախագահ Ջո Բայդենի ազգային անվտանգության օգնական Ջեյք Սալիվանն անցած ուրբաթ օրը՝ մարտի 24-ին, հեռախոսազրույց է ունեցել Չինաստանի կոմունիստական կուսակցության (ԿԿԿ) Կենտրոնական կոմիտեի արտաքին հարաբերությունների հանձնաժողովի գրասենյակի ղեկավար, քաղբյուրոյի անդամ Վան Իի հետ։ Այս մասին երեքշաբթի հայտնել է Bloomberg-ը ՝ հղում անելով աղբյուրներին։
Գործակալությունը չի նշում, թե Սալիվանն ու Վան Ին ինչ հարցեր են քննարկել զրույցի ընթացքում, և ում նախաձեռնությամբ է կազմակերպվել զրույցը։ Bloomberg-ն ընդգծում է, որ խոսակցությունը տեղի է ունեցել Թայվանի վարչակազմի ղեկավար Ցայ Ինգ Վենի այսպես կոչված տարանցումից քիչ առաջ։ Գործակալությունը նշում է, որ Սալիվանի զրույցը Վան Իի հետ պաշտոնապես չի հաղորդվել ԱՄՆ-ի և Չինաստանի միջև լարվածության պատճառով։
Կարծիքներ