Բուլղարիայի արտգործնախարարի տեղակալն այցելել է Հայոց ցեղասպանության հուշահամալիր

Բուլղարիայի արտգործնախարարի տեղակալն այցելել է Հայոց ցեղասպանության հուշահամալիր

Աշխատանքային այցով Հայաստան ժամանած Բուլղարիայի Հանրապետության արտաքին գործերի նախարարի տեղակալ Իրենա Դիմիտրովան այսօր այցելել է Հայոց ցեղասպանության հուշահամալիր:

 

Հյուրերին դիմավորել և հուշահամալիրի ստեղծման պատմությունը ներկայացրել է Հայոց ցեղասպանության թանգարան-ինստիտուտի թանգարանային աշխատանքների գծով փոխտնօրեն Լուսինե Աբրահամյանը:

 

Բուլղարիայից ժամանած պատվիրակության անդամները ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ և մեկ րոպե լռությամբ հարգել Հայոց ցեղասպանության անմեղ զոհերի հիշատակը:

 

Նրանք շրջել են նաև Հայոց ցեղասպանության թանգարանում, ծանոթացել մշտական և ժամանակավոր ցուցադրություններին: Այցի ավարտին Իրենա Դիմիտրովան գրառում է կատարել Պատվավոր հյուրերի հուշամատյանում:

Հետևեք մեզ նաև Տելեգրամում