ԱԺ նախկին պատգամավոր Ալրաղացի Լյովիկը կմնա կալանավորված
ՀՀ Ազգային ժողովի նախկին պատգամավոր Ալրաղացի Լյովիկ անունով հայտնի Լեւոն Սարգսյանի նկատմաբ որպես խափանամն միջոց ընտրված կալանավորումը մնաց անփոփոխ:
Այս մասին «Հայկական ժամանակի» հետ զրույցում ասաց Սարգսյանի պաշտպան Դավիթ Կարապետյանը:
Որոշումն այսօր հրապարակել է Երեւան քաղաքի ընդհանուր իրավասության դատարանը դատավոր Տաթեւիկ Գրիգորյանի նախագահությամբ:
Հիշեցնենք, որ երեկ դատարանը քննեց Լեւոն Սարգսյանի խափանման միջոց կալանավորումը փոփոխելու, վերահաստատելու կամ անփոփոխ թողնելու հարցը:
Լեւոն Սարգսյանը հիշեցնենք մեղադրվում է 11 տարի առաջ ՀՀ մաքսային պետական կոմիտեի նախկին պետ Արմեն Ավետիսյանի առանձնատան վրա կատարված ավազակային հարձակումը պատվիրելու, ղեկավարելու եւ կազմակերպելու համար: Նրա նկատմամբ հետախուզում էր հայտարարվել 2018 թվականի հոկտեմբերից։ 2019-ի նոյեմբերին նա Մոսկվայում ձերբակալվել, կալանավորվել, ապա տեղափոխվել է Հայաստան: Արմեն Ավետիսյանն այս գործով որպես տուժող հարցաքննվել է:
Դատախազի ներկայացրած հիմքերի եւ դրա հակափաստարկների վերաբերյալ մանրամասները՝ այս հղումով:
Կարծիքներ