ՔԴՄ-ն սատարել է Արմին Լաշետին՝ որպես Գերմանիայի կանցլերի պաշտոնի թեկնածու

ՔԴՄ խորհուրդը ձայների մեծամասնությամբ սատարել է կուսակցության նախագահ Արմին Լաշետին՝ որպես սեպտեմբերի 26-ին կայանալիք ընտրություններում Գերմանիայի կանցլերի թեկնածու, հայտնում է «ՌԻԱ Նովոստի»-ն՝վկայակոչելով Die Welt-ը:

Վարչության 31 անդամ քվեարկել է Լաշետի օգտին: Ինը ձայն տրվել է Քրիստոնեա-սոցիալական միության (CSU) ղեկավար Բավարիայի վարչապետ Մարկուս Զյոդերին, վեց մարդ ձեռնպահ է մնացել: Զյոդերն արդեն հայտարարել է, որ պատրաստ է ենթարկվել ՔԴՄ կառավարության որոշմանը:

ՔԴՄ/ՔՍՄ դաշինքից կանցլերի պաշտոնի երկու թեկնածուների հետ կապված իրավիճակն առաջացավ այն բանից հետո, երբ ե՛ւ Լաշետը, ե՛ւ Սոդերը պատրաստակամություն հայտնեցին պայքարել մարտի 11-ին նախատեսված Բունդեսթագի ընտրություններում ընտրական ցուցակում առաջին տեղը զբաղեցնելու համար: Այս ընտրություններից հետո նոր կառավարություն կձեւավորվի եւ նոր կանցլեր կնշանակվի: Գերմանիայում կուսակցությունները նախապես հայտարարում են այս պաշտոնի իրենց թեկնածուի մասին, կոալիցիոն կառավարության կազմավորումից հետո կանցլերի պաշտոնը թեկնածուն ստանում է կոալիցիայի ավագ գործընկերոջից: