Տավուշի մարզը կլինի շուրջ 20 արցախցի ընտանիքի նոր բնակության հասցեն
Տավուշի մարզը կլինի շուրջ 20 արցախցի ընտանիքի նոր բնակության հասցեն: Այս մասին հայտնում են ՀՀ Տավուշի մարզպետարանից: Արցախցի առաջին ընտանիքն արդեն գարնանը կտեղափոխվի Տավուշի մարզի Ներքին Կարմիրաղբյուր՝ սեփական տուն՝ մշտական բնակության:
«Փարոս» հիմնադրամը պատերազմից հետո Ադրբեջանի վերահսկողության տակ անցած տարածքներում տունը թողած ընտանիքներին Տավուշի մարզում վերաբնակվելու հնարավորություն է տալիս:
«Փարոս» հիմնադրամի ծրագրերի ղեկավար Սևան Ամիրյանի կանխատեսումներով՝ այդպիսի հնարավորություն կունենա շուրջ 20 ընտանիք, հույս ունի՝ թիվը կավելանա:
Ներքին Կարմիրաղբյուրում արդեն մի քանի տուն ընտրել են, գնել, հիմա վերանորոգման փուլն է:
Ընտանիքները կվերաբնակեցվեն ոչ միայն Ներքին Կարմիրաղբյուրում, այլև մարզի մի քանի այլ գյուղերում:
Կարծիքներ