Խոշոր ավտովթար Գեղարքունիքի մարզում. Դրախտիկում բախվել են Mazda-ն ու Range Rover-ը

Այսօր՝ օգոստոսի 29-ին, խոշոր ավտովթար է տեղի ունեցել Գեղարքունիքի մարզում:  Այս մասին հայտնում է Shamshyan.com-ը։

Ժամը 17:40-ի սահմաններում, Ծովագյուղ-Շորժա-Վարդենիս ավտոճանապարհի՝ Դրախտիկ գյուղի վարչական տարածքում, դեռևս անհայտ հանգամանքներում բախվել են 31-ամյա Ռաֆայել  Մարտիրոսյանի վարած Range Rover և 35-ամյա Վարդան Դավթյանի վարած Mazda մակնիշի ավտոմեքենաները: Վթարի հետևանքով, ըստ նախնական տեղեկությունների, տուժածներ չկան, իսկ Range Rover-ը դուրս է եկել երթևեկելի գոտուց, և կողաշրջված վիճակում հայտնվել դաշտում:  

Դեպքի վայր է ժամանել Արտակարգ իրավիճակների նախարարության Փրկարար ծառայության Սևանի թիվ 32 հրշեջ-փրկարարական ջոկատը՝ 1 մարտական հաշվարկով:   Փրկարարները հոսանքազրկել են ավտոմեքենաները, ու սահմանազատել տարածքը: