Բրիտանական բանակը վերադառնում է Գերմանիա՝ ռուսական սպառնալիքի պատճառով

Բրիտանական բանակը վերադառնում է Գերմանիա՝ ռուսական սպառնալիքի պատճառով

Գերմանիայից բրիտանական զորքերի դուրսբերման ավարտից դեռ մեկ տարի չանցած՝ Լոնդոնը հայտարարեց կրկին այս երկիր մոտ 250 տանկ և մարտական ​​մեքենա ուղարկելու, ինչպես նաև այլ երկրներում զորավարժություններին մասնակցող բանակային բրիգադ տեղակայելու ծրագրի մասին։ Այս մասին ասել է  Մեծ Բրիտանիայի պաշտպանության նախարար Բեն Ուոլեսը` ելույթ ունենալով Համայնքների պալատում: Ազգային  զինված ուժերի վերակառուցման ծրագրում  նախատեսվում է բրիտանական զորամիավորումների տեղակայումը աշխարհի տարբեր մասերում, հայտնում են The Times-ը, Financial Times-ը և Sky News-ը:

Ուոլեսը ներկայացրել է ցամաքային զորքերի արդիականացման «Ապագայի զինվորը» ծրագիրը, որը բրիտանական բանակի ամենաարմատական վերակազմավորումն է ավելի քան 20 տարվա ընթացքում և որն ուղղված է ավելի մեծ ճկունության և արդյունավետության հասնելուն:

Գերմանիան կդառնա բրիտանական բանակի երեք հենակետերից մեկը։ Մեծ Բրիտանիայի պաշտպանության նախարարի խոսքերով` զինված ուժերի արդիականացման ծրագիրն ուղղված է ավելի արդյունավետ արձագանքելու սպառնալիքներին, այդ թվում՝ Ռուսաստանի Դաշնության և Չինաստանի կողմից։