Քննարկեցինք ոռոգման համակարգերում առկա խոչընդոտները հաղթահարելու հնարավոր ուղիները. Արման Խոջոյան
ՀՀ էկոնոմիկայի նախարարի տեղակալ Արման Խոջոյանը տեղեկացրել է, որ ոռոգման գործընթացում ներգրավված շուրջ երկու տասնյակ կապալառուների, արտադրողների, մատակարարների և ֆերմերների հետ քննարկել է ոռոգման համակարգերի արդիականացման, պետական աջակցության ծրագրերի ընդլայնման, ոռոգման համակարգերի ներդրման և առավել կիրառելի դարձնելու առկա խոչընդոտները հաղթահարելու հնարավոր ուղիները։
«Քննարկմանը մասնակցել են ոռոգման գործընթացում ներգրավված շուրջ երկու տասնյակ կապալառուներ, արտադրողներ, մատակարարներ և ֆերմերներ։
Շատ եմ կարևորում Հայաստանում ոռոգման համակարգերի առավել մասսայական կիրառելիությունը։ Կլիմայական փոփոխություններով պայմանավորված բարձր ջերմաստիճանի պատճառով ջրօգտագործման, ոռոգման գործընթացում խնդիրներ միշտ էլ կարող են առաջանալ։ Անհրաժեշտ է, որ մենք կարողանանք ադապտացվել, ավելի մատչելի և մասսայական դարձնել արդիական ոռոգման տեխնոլագիաները և ապահովել դրանց կիրառելիությունը մեր իրականության մեջ»,- Ֆեյսբուքի իր էջում գրել է Խոջոյանը:
Կարծիքներ