Հանրապետությունում պահպանվում է հրդեհավտանգ իրավիճակ

Հուլիսի 4-8-ն Արարատյան դաշտում և  նախալեռներում, Վայոց ձորի նախալեռներում, Սյունիքի հովտային գոտում և Երևանում սպասվում է բարձր կարգի հրդեհավտանգ իրավիճակ:

Հուլիսի 4-6-ը սպասվում է առանց տեղումների եղանակ։ Հուլիսի 7-8-ն առանձին շրջաններում՝ կեսօրից հետո, սպասվում են կարճատև անձրև և ամպրոպ, առանձին հատվածներում հնարավոր է նաև կարկուտ։ 

Քամին՝ հարավարևմտյան՝ 5-10 մ/վ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ։

Օդի ջերմաստիճանը հուլիսի 4-ի ցերեկը աստիճանաբար կբարձրանա 3-4 աստիճանով, այնուհետև հուլիսի 5-8-ի ցերեկը նույնքան կնվազի։

Երևանում հուլիսի 4-6-ը սպասվում է առանց տեղումների եղանակ: Հուլիսի 7-8-ը երեկոյան ժամերին քաղաքի առանձին հատվածներում սպասվում են կարճատև անձրև և ամպրոպ, ամպրոպի ժամանակ քամու ուժգնացում՝ 15-20 մ/վ: