Խոշոր ավտովթար՝ հրդեհի բռնկումով Վայոց Ձորում. բախվել են Howo բեռնատարն ու 06-ը․տուժածների թվում կան երեխաներ

Այսօր, ժամը 15:40-ի սահմաններում, Վայոց ձորի մարզում, Գետափ-Մարտունի ավտոճանապարհի 16 կմ հատվածում, բախվել են ՎԱԶ-2106 և Howo մակնիշի բեռնատարը:

Shamshyan.com-ի հաղորդմամբ՝  վթարի հետևանքով Howo-ն դուրս է եկել երթևեկելի գոտուց և մասամբ կախվել ձորակի եզրին, իսկ 06-ում խոշոր հրդեհ է բռնկվել:

Օպերատիվորեն ժամանել է Արտակարգ իրավիճակների նախարարության Փրկարար ծառայության Վայոց ձորի մարզային փրկարարական վարչության Եղեգնաձորի հրշեջ-փրկարարական ջոկատից 1 մարտական հաշվարկ:   Հրշեջները մարել են 06-ում առաջացած հրդեհը, սակայն այն ամբողջովին վերածվել է մոխրակույտի:

Վթար-հրդեհի հետևանքով 6 մարդ մարմնական վնասվածքներով տեղափոխվել է «Եղեգնաձոր» բժշկական կենտրոն:

Ոստիկանությունը պարզում է վարորդների և վիրավորների ինքնությունը: Shamshyan.com-ի տեղեկություններով, հիվանդանոց տեղափոխված 06-ի վարորդը և ուղևորները նրա կինն ու 4 անչափահաս երեխաներն են: