«Հիմա երեխաներ, ընտանիք և հրաշալի կին եմ ուզում»․ Նիկոլայ Բասկով

Ռուսական էստրադայի աստղ Նիկոլայ Բասկովը հայտարարել է, որ պատրաստ է ամուսնանալ և երեխաներ ունենալ, այս մասին գրում է kp.ru կայքը։ 

«Արդեն 13 տարի է անցել իմ բաժանումից, արդեն բավական վայելել եմ արտամուսնական կյանքը, հիմա երեխաներ, ընտանիք և հրաշալի կին եմ ուզում»,- խոստովանել է 43-ամյա Բասկովը։ 

Արտիստը նաև ապագա կնոջ նկատմամբ պահանջների մասին է խոսել: «Ինձ համար այժմ այնքան էլ կարևոր չէ աղջկա վառ արտաքինը, կարևորը, որ նա ինձ հետ նույն հայացքները կիսի, մեր տան տիկինը դառնա»,- նշել է նա։ 

Բասկովը նաև ընդգծել է, որ նախկինում հանդիպել է դերասանուհիների, մոդելների, ինչպես նաև ոչ հայտնի աղջիկների հետ, որոնց մասին նա լրատվամիջոցների հետ չի խոսել։

«Հիմա սիրելիիս հետ պարզ երջանկություն եմ ուզում։ Հույս ունեմ, որ կհանդիպեմ իմ ճակատագրին»,- հավելել է երգիչը։

Բասկովը նախորդ ամուսնությունից 13-ամյա որդի ունի, որին չի տեսել 11 տարի: