Google-ը հաստատել է Ռուսաստանում իր լրատվական ծառայության մուտքի սահմանափակումը

Ամերիկյան Google ընկերությունը հաստատել է, որ օգտատերերը չեն կարող մուտք գործել Ռուսաստանում Google News ինտերնետային ծառայության կայք և հավելված, չորեքշաբթի հաղորդում է Reuters-ը։

«Մենք հաստատում ենք, որ որոշ օգտատերեր դժվարություններ են ունենում Ռուսաստանում Google News-ի կայք և հավելված մուտք գործելու համար, դա պայմանավորված չէ մեր կողմից տեխնիկական խնդիրներով», - ասվում է ընկերության հայտարարության մեջ:

Չորեքշաբթի ավելի վաղ Ռոսկոմնադզորի մամուլի ծառայությունը, ի պատասխան ՏԱՍՍ-ի հարցման, հայտնել էր, որ Ռուսաստանում սահմանափակվել է մուտքը News.Google ինտերնետ ծառայությանը՝ Ուկրաինայում հատուկ ռազմական գործողության ընթացքի մասին կեղծ տեղեկություններ պարունակող նյութերին հասանելիություն տրամադրելու համար։ Ռուսական օրենսդրությունը քրեական պատասխանատվություն է նախատեսում ՌԴ զինված ուժերի օգտագործման մասին գիտակցաբար կեղծ տեղեկատվության հրապարակման համար, հիշեցրել է ռուսական լրատվամիջոցների կարգավորիչը։